NDIHMË PËR PUNËN E PËRDITSHME
Mbështetje për ju.
Qartësi për çdo hap.
Ndihmë për hyrjen, pronat, faturat, raportimet dhe njoftimet në Rezidenti, nga web ose aplikacioni mobil.
Publikuar më .
KONTAKTI I MBËSHTETJES
Na shkruani.
Për probleme teknike ose pyetje rreth aplikacionit, përshkruani çfarë po ndodh dhe në cilin hap.
[email protected]NurSoft sh.p.k · operatori i Rezidenti.
Çfarë të përfshini
- Email-in e llogarisë dhe rolin tuaj.
- Kompaninë ose ndërtesën me të cilën lidhet problemi.
- Android, iOS ose web dhe versionin e aplikacionit, nëse e dini.
- Hapat që ndoqët dhe tekstin e mesazhit të gabimit.
Mund të bashkëngjitni pamje të ekranit, pasi të mbuloni të dhënat e panevojshme. Mos dërgoni fjalëkalime, kode hyrjeje ose të dhëna karte.
PËRGJIGJE TË SHPEJTA
Nga ta
filloni.
Për të dhënat e ndërtesës dhe verifikimin e pagesave, kontakti i parë është kompania ose administratori juaj.
Nuk hyj dot në llogari.
Kontrolloni email-in, fjalëkalimin e llogarisë që ju është dhënë dhe lidhjen me internetin. Nëse sesioni ka përfunduar, hyni përsëri. Për llogari të re ose rivendosje të aksesit, kontaktoni kompaninë që ju ka krijuar llogarinë. Nëse shfaqet gabim teknik, dërgoni tekstin e tij te mbështetja.
Nuk e shoh pronën time ose QR-ja nuk pranohet.
Hyni me email-in e lidhur me ftesën. Kërkojini kompanisë të verifikojë pronën, pronarin ose qiramarrësin dhe vlefshmërinë e ftesës. Një ftesë e skaduar ose e anuluar duhet zëvendësuar. Kompania krijon QR-në për pronën; pranimi bëhet nga llogaria e rezidentit.
Fatura ose pagesa ime nuk është e saktë.
Kontaktoni kompaninë ose administratorin e ndërtesës me referencën e faturës dhe datën e pagesës. Ata verifikojnë dhe regjistrojnë gjendjen e pagesës. Rezidenti mban evidencën; regjistrimi në aplikacion nuk kryen një transfertë bankare.
Si raportoj një problem në ndërtesë?
Hapni raportimet në hapësirën tuaj, zgjidhni pronën ose ndërtesën përkatëse dhe plotësoni përshkrimin. Mund të shtoni një fotografi JPEG ose PNG deri në 5 MB. Raportimi ndiqet nga ekipi i administrimit; email-i i mbështetjes teknike nuk zëvendëson këtë rrjedhë pune.
Nuk më vijnë njoftimet në telefon.
Kontrolloni që keni hyrë në llogari dhe që njoftimet e Rezidenti lejohen në cilësimet e Android ose iOS. Te seksioni “Njoftimet në telefon”, përdorni “Aktivizo”, “Kontrollo” ose “Provo sërish”, sipas gjendjes që shfaqet. Shërbimi duhet të jetë i konfiguruar për versionin e instaluar; mesazhi “nuk janë ende të disponueshme” tregon se nevojitet verifikim i konfigurimit.
Si përditësoj kontaktin ose ndryshoj fjalëkalimin?
Përdorni veprimet e profilit të llogarisë për kontaktin dhe fjalëkalimin. Nëse të dhënat në kartelën e rezidentit ose lidhja me pronën mbeten të pasakta, kërkoni korrigjim nga kompania e administrimit.
Si fshij llogarinë?
Hapni Fshi llogarinë, identifikohuni dhe konfirmoni dërgimin online. Kërkesa regjistrohet në sistem dhe shqyrtohet manualisht. Faqja shpjegon të dhënat që fshihen, regjistrat që mund të ruhen dhe afatin. Çinstalimi i aplikacionit nuk e fshin llogarinë.